Rava Upma | રવા ઉપમા

Rava Upma | રવા ઉપમા

 

રવા ઉપમા એ સ્વાદિષ્ટ દક્ષિણ ભારતીય નાસ્તામાં લેવાતી રવા થી બનેલી વાનગી છે.આ પરંપરાગત વાનગી પાણીમાં શેકેલા રવાની અંદર ઘી (અથવા તેલ), કાજુ, ઉરદ દાળ, ચણાની દાળ (દારીયા), ડુંગળી, ટામેટા,ગાજર,લીલા વટાણા ,આદુ અને મસાલા ઉમેરી ને બનાવવામાં આવે છે. હળવી મીઠાસ માટે ખાંડ ઉમેરી શકાય છે.તો ચાલો બનાવી એ ગરમ, સ્વાદ અને સ્વાદિષ્ટતાથી ભરેલા, આ રવા ઉપમા.તમારા મિત્રો અને પરિવાર સાથે રેસ્ટોરન્ટ સ્ટાઇલ ઉપમાની મઝા લો.

રવા ઉપમા રેસીપીમાં મુખ્ય ઘટક રવો છે. જેને હિન્દીમાં ‘સુજી’ અથવા ‘સોજી’ કહેવામાં આવે છે, તે ખાલી દાણાદાર ઘઉં છે.જે ખરેખર ઉપમા નાસ્તાની વાનગીને વિશેષ બનાવે છે .

ઉપમાને ઝડપી બનાવવા માટે સૂચના : તમારા રવાને ખરીદી પછી તરત જ શેકી ને તેને એર-ટાઇટ કન્ટેનરમાં રાખવું.આ તેને લાંબા સમય સુધી સારું રહેવામાં અને તેને બગડેલા બનતા અટકાવવામાં મદદ કરશે.

તમારો રવો પહેલેથી શેકાયો હશે તો આ ગરમ નાસ્તો ફક્ત 15 થી 20 મિનિટમાં જ તૈયાર કરી શકાય છે.

ઉપમા કેવી રીતે બનાવવી :

રવા ઉપમા બનાવવાના ઘટકો : 

• 1 કપ રવો, 
• ⅓ કપ સમારેલી ડુંગળી(બારીક સમારેલી),
• 1 ટામેટા (બારીક સમારેલી) ,
• 1 ગાજર (બારીક સમારેલી),
• 1/4 કપ લીલા વટાણા (બાફેલા),
• 1 ચમચી સમારેલા લીલા મરચા, 
• 1 ચમચી પીસેલુ આદુ અને 
• 2 ચમચી કોથમીર (સમારેલા) લો. 
• 8 થી 10 ક્ઢી લીમડા નાં પાન,
• 10 થી 12 કાજુ, 
• 1 ચમચી ચણાની દાળ અને 1 ચમચી ઉરદની દાળ પણ લો.

રવા શેકવાની રીત :

• પહેલા કડાઈ ગરમ કરો. 1 કપ રવો ઉમેરો.
• રવો શેકવાનું શરૂ કરો. રાવાને શેકતી વખતે વારંવાર હલાવો. 
• રવાને બ્રાઉન કરશો નહીં. રવા અથવા સૂજી માંથી સુગંધ આવશે અને તે શુષ્ક, છુટા દેખાવા લાગશે.
• એકવાર રવો સુગંધિત થઈ જાય અને તે શુષ્ક, છુટા દેખાવા લાગે, ગેસ બંધ કરી શેકેલા રવાને પ્લેટમાં મૂકી અને બાજુ મૂકી દો.

રવા ઉપમા બનાવવા ની રીત :

• એક કડાઈમાં 2 ચમચી ઘી (માખણ) અથવા તેલ ગરમ કરો. તમે સૂર્યમુખી તેલ અથવા મગફળીના તેલ અથવા કોઈપણ સ્વાદિષ્ટ તેલનો ઉપયોગ કરી શકો છો.
• ગેસ ધીમે તાપે કરો. તેમાં 1 ચમચી રાઈ ઉમેરો. ત્યારે તમને રાઈના દાણોનો અવાજ આવશે, તો તેનો અર્થ એ કે તે તળાઇ ગયી છે.
• હવે તેમાં એક ચમચી જીરું અને 1 ચમચી ચણાની દાળ અને 1 ચમચી ઉરદની દાળ નાખી હલાવો.
• ચણાની દાળ અને ઉરદની દાળ થોડી બ્રાઉન થવા લાગે ત્યાં સુધી તળી લો.
• 10 થી 12 કાજુ ઉમેરો અને ઓછી થી મધ્યમ-નીચી આંચ પર તળવા શરૂ કરો.
• કાજુ અને  દાળ  સોનેરી થયેલી હોવી જોઈએ.
• હવે તેમાં બારીક સમારેલી ડુંગળી નાખો.
• ડુંગળીને નરમ પાડે ત્યાં સુધી સાંતળો મધ્યમ તાપ પર સાંતળો .
• ત્યારબાદ તેમાં સમારેલા લીલા મરચાં, આદુ અને ક્ઢી લીમડા નાં પાન નાખો. તમે સૂકુ લાલ મરચુ પણ ઉમેરી શકો છો.
• ટામેટાં નાંખો અને નરમ થાય ત્યાં સુધી પકાવો.ત્યારબાદ આમાં ગાજર અને લીલા વટાણા (બાફેલા) ઉમેરી થોડીવાર માટે સાંતળો લગભગ 2 મિનિટનો સમય લાગશે. 
• સારી રીતે મિશ્રણ કરી દો .
• પછી આ મિશ્રણમાં 2.5 કપ પાણી ઉમેરો.
• જરૂર મુજબ મીઠું નાખો. સારી રીતે મિશ્રણ કરી દો અને પાણીનો સ્વાદ તપાસો. તે થોડું ખારું હોવું જોઈએ પણ વધારે નહીં અને જો વાનગીમાં મીઠું ઓછું થઈ જાય, તો જ્યારે તમે ખાવ ત્યારે હંમેશાં ઉપરથી થોડું મીઠું છાંટી શકો છો.
• પછી તેમાં 1 ચમચી ખાંડ નાખો. ખાંડ વૈકલ્પિક છે અને તમે તેને છોડી શકો છો. અમે ઉપમામાં થોડો મીઠો સ્વાદ પસંદ કરીએ છીએ અને તેથી અમે તેને ઉમેરીએ છીએ.
• ફરી મધ્યમ-નીચી આંચ પર પાણી ગરમ કરો અને તેને ઉકળવા દો.
• જ્યારે પાણી ઉકળવા લાગે છે, ત્યારે જ્ ગેસ ને એકદમ ધીમો કરો. ત્યારબાદ ચમચી વડે 4 થી 5 ચમચી રવો નાખો.
• એકવાર તમે રવાની પહેલી ચમચી ઉમેરી લો, તરત જ મિક્સ કરો જેથી શેકેલો રવો પાણી સાથે સરખી રીતે ભળી જાય.
• હવે બાકીનો રવો સરખી રીતે ભળી જાય એ રીતે ઉમેરો.
• સરખી રીતે ભળી જાય એ રીતે છેલ્લે સુધી ઉમેરો અને ધીમા તાપે ગરમ કરતા રહો.
• ઢાંકણ ઢાંકીને રવા ઉપમાને ધીમા તાપે 2 થી 3 મિનિટ સુધી ગરમ થવા દો.
• પછી ગેસ બંધ કરો.

ઉપમા તૈયાર છે. ઉપર લગભગ 2 ચમચી સમારેલી કોથમીર નાખો. હવે હલાવી લો. લીંબુના ટુકડા સાથે ઉપમાને સર્વ કરો.

સર્વ કરતી વખતે હું ઉપમા ઉપર થોડી સેવ પણ છંટકાવ કરું છું. જો કે પરંપરાગત રીતે ઉપમા આ રીતે પીરસવામાં આવે છે તેવું નથી, પણ ઘરના લોકો આ શૈલીને પસંદ કરે છે. તમે તેને નાળિયેરની ચટણી અથવા લીંબુનાં અથાણું સાથે પીરસો.

👆આ રેસિપિને અજમાવી જુઓ અને તમારી ટિપ્પણી 💬નીચે મારી સાથે શેર કરો.